Mae Theatr y Sherman yn croesawu pawb, ac mae gennym wasanaethau amrywiol i sicrhau y bydd eich ymweliad mor bleserus â phosib.
Rydym yn croesawu adborth am unrhyw faterion sy’n ymwneud â hygyrchedd. Siaradwch gydag un o Gynorthwywyr y Swyddfa Docynnau ar 029 2064 6900, a rhowch wybod i ni beth ‘rydych ei angen i fwynhau eich ymweliad, ac fe wnawn ein gorau i helpu. Fel arall, gallwch chi lenwi ein ffurflen ar-lein fel bod ein tîm yn ymwybodol o’ch gofynion bob tro y byddwch chi’n archebu.
Archebu Tocynnau
Mae ein llyfryn tymor ar gael mewn print bras, Braille neu ar lafar. Gallwch ofyn am y fformat sydd orau gennych chi drwy gysylltu â’r Swyddfa Docynnau ar 029 2064 6900 neu or box.office@shermantheatre.co.uk
Dolen: Gallwch ddweud wrthym am eich gofynion mynediad gan ddefnyddio’r ffurflen hon.
Consesiynau a Gostyngiadau
Rydym yn cynnig £ 2 oddi ar docyn pris llawn i fyfyrwyr mewn addysg amser llawn, Hawlwyr ac aelodau Equity.
Gall pobl ifanc dan 25 brynu tocynnau am hanner y pris ar gyfer y mwyafrif o berfformiadau yn Theatr y Sherman, ond nid pob un.
Os hoffech chi fwy o wybodaeth ynglŷn â’n gostyngiadau, mae croeso i chi ffonio’r Swyddfa Docynnau ar 029 2064 6900
Mae gennym agwedd hyblyg at brisiau, fel ein bod ni’n gallu cynnig tocynnau am amrywiaeth eang o brisiau bob tro. Fe fydd union bris pob sedd yn y theatr yn amrywio ar gyfer pob perfformiad, ond fe fydd o leiaf 40 tocyn ar gael am y pris isaf bob tro, ac rydyn ni’n cynnig amrywiaeth eang o ostyngiadau.
I gael gwybodaeth am y prisiau ar gyfer pob perfformiad, edrychwch ar dudalennau’r wefan neu siaradwch ag un o’n Cynorthwywyr Swyddfa Docynnau.
Parcio i Ddeiliaid Bathodyn Glas
Mae llefydd parcio ar gael i ddeiliaid bathodyn glas, o flaen yr adeilad. Caiff y rhain eu rheoli gan Gyngor Caerdydd a’r cyntaf i gyrraedd sy’n cael lle.
Gall deiliaid bathodyn hefyd barcio am ddim a heb derfyn amser mewn lleoliadau penodol o amgylch y ddinas. Cliciwch yma i gael mwy o wybodaeth
Os oes angen mwy o wybodaeth neu gymorth ychwanegol arnoch, cysylltwch â’n Swyddfa Docynnau ar 029 2064 6900.
Cŵn Cymorth
Mae croeso i gŵn cymorth yn yr adeilad. Pan fo’n bosib, gallwn gynnig seddi ar ben y rhes mewn perfformiadau er mwyn hwyluso eich ymweliad. Byddwch mor garedig â dweud wrth y Swyddfa Docynnau pan fyddwch yn archebu.
Gwybodaeth am seddi ein Prif Dŷ
Dewch o hyd i wybodaeth am y seddi yn y Prif Dŷ yma.
Perfformiadau Hamddenol
- Gallwch symud o gwmpas, siarad a lleisio yn ôl yr angen.
- Bydd goleuadau’r awditoriwm ymlaen ar lefel isel yn ystod y sioe i’ch galluogi i adael yn hawdd a bydd y drysau allanol i’r cyntedd yn aros ar agor trwy gydol y sioe.
- Os gwelwch fudd o wisgo amddiffynwyr clustiau maen nhw ar gael i’w benthyg am ddim drwy ofyn i’n tywyswyr yn yr awditoriwm a’r tîm yn y Swyddfa Docynnau.
- Bydd gofod i ymlacio gyda phabell dywyll a theganau synhwyraidd yn y cyntedd, wedi’i leoli yn y gornel wrth y ffenest, ar gael i chi ei ddefnyddio pryd bynnag y bydd angen.
Mobile Connect
Mae gwell sain bellach ar gael ym mhob perfformiad drwy’r system ‘Mobile Connect’. I’w ddefnyddio ar eich ffôn (trwy glustffonau), lawrlwythwch yr ap Sennheiser Mobile Connect. Os oes angen i chi fenthyg dyfais, clustffonau neu fanc gwefru, gofynnwch i’n tîm yn y Swyddfa Docynnau.
Ym mhob perfformiad o Under Milk Wood, bydd aelod o’n tîm wrth law yn y Tŷ Cwch (cornel chwith y cyntedd wrth i chi fynd i mewn) i gyflwyno defnyddwyr newydd i’r system ac i fenthyg dyfeisiau, clustffonau a banciau gwefru.