Dewch i gymryd rhan yn Theatr y Sherman
Mae mwy i theatr na gwylio sioe – mae byd y theatr yn rhywbeth y gallwch fod yn rhan ohono. Weithiau, mae bod yn rhan o theatr yn teimlo fel bod yn rhan o deulu. Beth am ymuno â’n teulu ni?
Mae cymaint o ffyrdd i gymryd rhan yn Theatr y Sherman. Gall pobl ifanc fwynhau ein rhaglenni perfformio ac ysgrifennu. Mae unrhywun sy’n 18 neu’n hŷn sydd eisiau perfformio, gwneud ffrindiau a chael digon o hwyl yn gallu ymuno â Sherman Players. Gwahoddir aelodau o’r gymuned sydd ddim yn gyfarwydd â’r theatr rhoi tro arni gyda Sherman 5. Mae stiwardiaid gwirfoddol, sy’n croesawu ein cynulleidfaoedd, yn mwynhau sioeau arbennig am ddim. Gall ysgolion a cholegau gymryd mantais o’n rhaglennu ac adnoddau addysg yn rhad ac am ddim.
Cynllun Bwrsariaeth Theatr y Sherman
Mae Theatr y Sherman yn falch i gefnogi pobl sy’n wynebu rhwystrau cyfranogaeth drwy ein Rhaglen Bwrsari newydd. Mae bwrsarïau llawn a rhannol ar gael ar draws ein holl raglenni cyfranogol, a gallwch ymgeisio amdanynt wrth fynegi eich diddordeb mewn ymuno ag un o’n grwpiau.
Gwnaed Rhaglen Bwrsari Theatr y Sherman yn bosibl gan Michael Morgan, rhoddwyr a chefnogwyr ymgyrch Crowdfunding Michael, yn ogystal â chyfraniadau i’n cronfa Rhannwch Eich Angerdd.
Gallwch helpu sicrhau y gall rhagor o bobl brofi effaith bwerus ein rhaglenni cymuned wrth roddi i’n cronfa Rhannwch Eich Angerdd.
Darganfyddwch Mwy: Cynllun Bwrsariaeth Theatr y Sherman
SUT Y GALLWCH GYMRYD RHAN
Lawrlwythwch a darllenwch ein dogfennau polisi.