Pwerus. Doniol. Dyrchafol.
Mae Aneurin wedi bod yn dianc rhag ei orffennol, ond – mewn tro annisgwyl, diolch i Grindr – mae e wedi syrthio mewn cariad. Pan mae Dan ac yntau’n penderfynu mabwysiadu, mae’r ddau ohonynt ar ben eu digon. Ond wrth addasu i fywyd fel tad, a throi cefn ar orffennol gwyllt, mae ofnau duaf Aneurin yn dychwelyd.
Beth allwch chi ei ddisgwyl gan Tylwyth?
Mae Tylwyth yn ddrama gan Daf James, Artist Cyswllt y Sherman, a fydd yn gwneud i chi chwerthin, yn gwneud i chi feddwl ac yn ddrama fydd yn eich cyffwrdd.
Popeth sydd angen i chi ei wybod am Tylwyth:
Unwaith roedd Llwyth, nawr mae Tylwyth
Yn Tylwyth mae’r cymeriadau o ddrama arobryn Daf, Llwyth yn dod at ei gilydd eto. Dyma’r bennod nesaf yn eu stori, ond mae’n sicr yn ddrama y gellir ei mwynhau ar ei phen ei hun.
Cymeriadau na fyddwch yn eu hanghofio
Bydd Tylwyth yn eich cyflwyno i gast gwych o gymeriadau cofiadwy (Aneurin, Rhys, Gareth a Dada), ac fe fyddant yn teimlo fel ffrindiau i chi yn fuan iawn.
Profiad dyrchafol
Nid yn unig y mae Tylwyth yn ffraeth, mae’n hynod deimladwy ac mae diwedd y perfformiad yn uchafbwynt gorfoleddus. Mae’r gerddoriaeth, a ysgrifennwyd gan Daf ei hun, yn chwarae rhan enfawr yn y sioe ac yn cael ei ddefnyddio mewn ffordd annisgwyl.
Sylwebaeth bryfoclyd ar fywyd cyfoes Cymru
Mae Tylwyth yn ddrama sy’n gwneud i ni ystyried y byd o’n cwmpas. Mae’n ddeheuig wrth archwilio themâu sy’n cynnwys rhywioldeb, cymuned, iaith, hunaniaeth genedlaethol a bywyd teuluol.
Mae’n dychwelyd wedi llwyddiant blaenorol
Pan berfformiwyd Tylwyth am y tro cyntaf yn y Sherman yn 2020 fe wnaeth cynulleidfaoedd ac adolygwyr syrthio mewn cariad a’r ddrama. Os na wnaethoch ei gweld y tro cyntaf, neu os hoffech ei gweld eto, dyma gyfle i brofi’r ddrama Gymreig bwysig hon.
Bydd y testun yn ymddangos wrth iddo gael ei berfformio ar sgrinau trwy gyfrwng y Gymraeg a’r Saesneg ym mhob perfformiad.
BSL gan Cathryn McShane