Hud. Llawenydd. A chwerthin lond eich bol...
Yn y ddinas batriarchaidd, fe ddywedir wrthych pwy mae hawl gennych ei garu. Mae Hermia yn caru Lysanna ond yn cael ei gorfodi i briodi Demetrius. Tra bod Helena, ffrind Hermia, yn addoli Demetrius yn gyfrinachol. Drwy ddianc i’r coed, daw pedwar person ifanc o hyd i fyd heb reolau, lle mae unrhyw beth yn bosib.
Beth allwch chi ei ddisgwyl wrth wylio A Midsummer Night’s Dream?
Mae A Midsummer Night’s Dream yn cynnig noson hwyliog, hudolus sy’n llawn emosiwn – rydym i gyd angen noson fel hon yn y theatr ar hyn o bryd. Bydd ein cynhyrchiad newydd o gomedi glasurol Shakespeare yn siwr o godi eich calon.
Popeth sydd angen i chi ei wybod am A Midsummer Night’s Dream:
Un o ddramâu mwyaf poblogaidd Shakespeare gyda hud Cymreig ychwanegol
Mae ein cynhyrchiad o A Midsummer Night’s Dream yn trawsnewid y campwaith hwn yn brofiad dwyieithog cyfoethog. Mae’r awduron Mari Izzard a Nia Morais wedi ysgrifennu addasiadau Cymraeg newydd ar gyfer y tylwyth teg, a chymeriadau eraill sy’n cael eu swyno gan y tylwyth teg. (Bydd y ddeialog Gymraeg yn cael ei uwchdeitlo fel rhan o’r cynhyrchiad ym mhob perfformiad).
Mae cast eithriadol o wynebau newydd a chyfarwydd yn serennu
Mae’r cast yn cynnwys talent newydd cyffrous o Gymru ochr yn ochr ag ambell wyneb a fydd yn gyfarwydd i gynulleidfa reolaidd y Sherman.
Noson sy’n wirioneddol ddoniol
Wrth ystyried pa ddrama glasurol i’w pherfformio yn y Prif Dŷ yn yr Hydref, y gyntaf ers y pandemig, nid oeddem yn credu fod drama well na A Midsummer Night’s Dream er mwyn cynnig noson llawn hwyl i’n cynulleidfaoedd. Rydyn ni’n credu mai’r gomedi hynod boblogaidd hon yw’r tonic sydd ei angen arnom ni i gyd yr hydref hwn.
Mae’r cyfan yn ymwneud â chariad
Mae ein cynhyrchiad yn ddathliad o gariad ymhob ffurf ac mae’r neges yn syml: carwch pwy bynnag rydych chi eisiau ei garu.
Wyt ti’n meddwl dy fod yn adnabod A Midsummer Night’s Dream? Meddylia eto.
Mae gan ein cynhyrchiad yr holl hud a chomedi sydd i’w ddisgwyl mewn cynhyrchiad o A Midsummer Night’s Dream, ond os ydych chi wedi gweld y ddrama o’r blaen rydyn ni’n meddwl y bydd ein addasiad ni’n gwneud i chi feddwl yn wahanol amdani.
Rydym yn argymell bod unrhyw un sy’n dymuno gwneud defnydd o’r uwchdeitlau Saesneg sydd yn ymddangos uwchben y llwyfan i eistedd yn Row C i Row P
Bydd aelodau o grŵp theatr y Sherman nad ydynt yn broffesiynol, Sherman Players, yn ymuno â’r cwmni fel Mechanicals. Gallwch gweld yr trefnlen perfformiadau fan hyn.
Mae pris popeth fel petai ar gynnydd ar hyn o bryd, ac rydyn ni eisiau sicrhau bod cost tocynnau o fewn cyrraedd cymaint o bobl â phosib:
- Gall plant a phobl Dan 25 weld A Midsummer Night’s Dream am hanner pris.
- Gall 2 Oedolyn a 2 Blentyn weld A Midsummer Night’s Dream o lai na £50 (yn amodol ar argaeledd).
- Rhannwch gost eich tocynnau ar gyfer y sioe yn ddau daliad hafal, gydag un taliad wrth archebu a’r llall wythnos cyn y perfformiad.
Ffoniwch 029 2064 6900 i ddysgu mwy (ar gael i archebion o £20 neu fwy).
