Beth yw Sherman Makers?
Grŵp theatr gymunedol yw Sherman Makers, sy’n rhoi’r cyfle i chi i greu theatr, i berfformio, i ddatblygu sgiliau ac i fagu hyder. Bydd Sherman Makers yn cynnig amgylchedd cefnogol, diogel a chynhwysol lle gall ei aelodau ffynnu. Mae’n eistedd ochr yn ochr â grŵp amatur arall y cwmni, Sherman Players. Mae’r ddwy raglen yn rhoi’r cyfle i aelodau o’r gymuned i archwilio’u dawn greadigol.
Pwy all ymuno?
Mae Sherman Makers ar gyfer pobl dros 18 oed sy’n Fyddar, yn drwm eu clyw, yn ddall, yn rhannol ddall, yn anabl, yn niwroamrywiol a/neu wedi ymrwymo i greu theatr hygyrch. Mae tâl bach i gymryd rhan, ond nid oes clyweliadau nac unrhyw rwystrau i fod yn rhan o’r grŵp. Mae Sherman Makers ar agor i bawb, ond mae’r nifer o lefydd yn gyfyngedig ac mae’n bosib na fyddwn yn medru cynnig lle i bawb sy’n ymgeisio. Rhoddir blaenoriaeth i unrhyw un sy’n wynebu rhwystrau i gymryd rhan yn y celfyddydau. Bydd rhestr aros rhag ofn bydd mwy o lefydd ar gael yn y dyfodol, neu petai gyfleoedd eraill yn codi. Nod y trefnwyr yw bodloni unrhyw ofynion mynediad gan gynnwys darparu dehonglwyr Iaith Arwyddion Prydain ac Iaith Arwyddion Prydain a gweithwyr cymorth mynediad.
Beth fyddai’n elwa o fod yn rhan o’r grŵp?
- Hoffem i chi deimlo bod theatr a pherfformio ar eich cyfer chi.
- Byddwch yn rhan o gymuned sy’n angerddol dros greu theatr hygyrch. Mae’n gyfle i gwrdd â phobl gydnaws a chreu cysylltiadau newydd.
- Hoffem i chi deimlo’n gyffrous, yn wefreiddiol ac wedi’ch ysbrydoli gan greu theatr sydd hygyrch.
- Bydd Sherman Makers yn eich helpu i fynegi’ch hunan yn greadigol drwy greu theatr.
Pa fath o theatr byddwn ni’n ei chreu?
Gyda’n gilydd, byddwn yn creu theatr gyda mynediad creadigol wrth ei chraidd. Mae mynediad creadigol yn sicrhau bod sioeau’n hygyrch i ystod eang o gynulleidfaoedd trwy sicrhau bod darpariaethau fel dehongli Iaith Arwyddion Prydain, disgrifiadau sain a chapsiynau wedi’u hymgorffori mewn cynyrchiadau.
Bydd y grŵp yn cwrdd bob nos Fawrth o’r 20fed o Ionawr 2026.
Mae Sherman Makers wedi’i ysbrydoli gan Craidd.
Gwybodaeth am daliadau:
Bydd cyfnod arweiniol y rhaglen, a fydd yn rhedeg o Ionawr nes Ebrill 2026, yn costio £5 y sesiwn. Bydd costau’r tymhorau canlynol yn dilyn prisiau ein rhaglenni craidd eraill. Ar hyn o bryd, mae aelodaeth yn costio £120 y tymor, gyda gostyngiad o 50% ar gyfer pobl sy’n derbyn cefnogaeth ariannol oddi wrth y llywodraeth. Rydym yn gobeithio cynnig nifer o fwrsarïau drwy ein gweithgareddau codi arian.