Mae’r Pleasance yn gweithio gyda theatrau ledled y DU, sy’n bartneriaid yn y rhaglen, i adnabod a chefnogi artistiaid a chwmnïau eithriadol sy’n lleol iddynt a hefyd eisiau mynd â gwaith i’r Fringe. Mae pob partner yn fan gynhyrchu cenedlaethol blaenllaw, sydd wedi ymrwymo i gefnogi a datblygu artistiaid newydd.
Gan weithio gyda’r Pleasance, byddwn yn adnabod artistiaid dynamig sydd mewn gwahanol mannau yn eu gyrfaoedd, gyda phrif nod y cynllun i ddarganfod a chefnogi’r cwmnïau a’r artistiaid gorau o Gymru, ac ar draws y DU, i gyflwyno gwaith yn y Fringe!
Yn 2025, roedd sioe Leila Navabi, Relay, yn llwyddiant ysgubol, gan berfformio o flaen theatrau lawn drwy gydol y cyfnod.
Yn 2024, Polly & Esther oedd derbynnydd ein rhaglen Partneriaethau Cenedlaethol Caeredin. Yn dilyn cyfnod llwyddiannus iawn yng Nghaeredin, aethant â’u sioe i’r Fringe Adelaide yng ngwanwyn 2025.
Yn 2023, gyda chefnogaeth y Sherman a’r Pleasance, aeth StammerMouth â CHOO CHOO! (Or… Have You Ever Thought About ****** **** *****? (Cos I Have)) i’r Fringe ar ôl ymddangos yn y Sherman. Enillodd y sioe wobr y Fringe First a gwobr Sefydliad Iechyd Meddwl 2023 y Fringe.
Yn 2022, mewn cydweithrediad â’r Sherman a’r Pleasance, a chyda chefnogaeth gan The Other Room, aeth difficult|stage ag An Audience With Milly-Liu i’r Fringe. Roedd sioe drag un-dyn François Pandolfo, dan gyfarwyddyd Dan Jones, yn boblogaidd gyda chynulleidfaoedd ac adolygwyr fel ei gilydd, gan ennill gwobr gyntaf Talent Newydd David Johnson.
I wneud cais am y cyfle hwn, gweler y manylion isod.
Beth fyddwch chi’n ei gael?
• Lle gwarantedig yn rhaglen y Pleasance yng Ngŵyl Fringe Caeredin.
• Isafswm o £2000 o gyllid tuag at gostau cyflwyno eich sioe yn y Fringe.
• Cysylltiadau Cyhoeddus wedi’u darparu gan Michelle Mangan.
• Pecyn marchnata a hysbysebu penodol i gefnogi ymgyrch eich sioe.
• Cyllid i dalu ffi gofrestru’r Fringe.
• Gofod am o leiaf un-wythnos i ymarfer a datblygu’r sioe cyn perfformio’r sioe mewn cyfres o ragddangosiadau yn Theatr y Sherman.
• Cymorth i ddatblygu a chyflwyno perfformiadau hygyrch fel rhan o’ch cyfnod yn y Fringe.
• Mentora, cymorth a chyngor gan Theatr y Sherman a’r Pleasance cyn ac yn ystod y Fringe.
Sut i wneud cais:
Anfonwch y manylion isod naill ai ar ffurf ysgrifenedig, fel fideo neu ffeil sain – pa bynnag ffordd sydd orau gennych – at admin@shermantheatre.co.uk
• Eich manylion (enw’r cwmni/artist, teitl y sioe, enw a manylion cyswllt y prif gyswllt)
• Gwybodaeth am yr artist/cwmni a’r sioe
• Pwy yw’r gynulleidfa darged, a pham?
• Pam fod gennych ddiddordeb mewn perfformio yng Ngŵyl Fringe Caeredin?
• Pam mae’r cyfle hwn yn bwysig i chi a’ch datblygiad?
• Pam yr hoffech gael cefnogaeth gan Theatr Sherman?
Mae’r dyddiad cau ar 27 Chwefror am hanner dydd.
Cynhelir y diwrnod dethol ar 10 Mawrth.