Mae o wedi gweld y dyfodol. Dwywaith.
Mae Ifan yn byw ar yr ymyl. Yn cadw pawb hyd braich, yn yfed yn galed, yn chwerthin yn uwch na neb arall. Dydy o byth yn edrych yn ôl. Ond mae un person yn aros yn ei feddwl – Mair.
Wrth i storm wleidyddol godi yng Ngogledd Cymru, mae Ifan yn cael ei daflu ymlaen ddegawdau mewn amser. Dwywaith.
Mae un dyfodol yn cynnig Cymru rydd yn llawn cariad a gobaith. Mae’r llall yn fyd llwm heb iaith, ffiniau, a chymuned. Yn y ddau fyd mae Mair. Rhyngddynt mae’r presennol – a rhaid i Ifan ddewis.
Yn llawn cariad, emosiwn a chynnwrf gwleidyddol, mae Wythnos yng Nghymru Fydd, wedi’i ysgrifennu gan Mared Llywelyn Williams a’i chyfarwyddo gan Gethin Evans, yn ail-ddychmygiad beiddgar o glasur Islwyn Ffowc Elis sy’n gofyn pa ddyfodol sy’n cael ei greu gan ein heddiw?
Hygyrch:
Dehonglydd Iaith Arwyddion Prydain: Cathryn McShane-Kouyaté
Disgrifiwr Sain: Rhodri Trefor
Disgrifiad Sain: Dydd Lau 29 Hyd, 7:30pm.
Perfformir yn Gymraeg. Bydd pob sioe yn cynnwys capsiynau Cymraeg a Saesneg.
Os ydych chi’n bwriadau defnyddio’r capsiynau, rydym yn argymell bod chi’n eistedd:
Ar ochr chwith yr awditoriwm: Cymraeg
Ar ochr dde’r awditoriwm: Saesneg
Ar ochr dde’r awditoriwm: Iaith Arwyddion Prydain
