Dathlwch y broses o greu theatr De Asiaidd yng Nghymru gyda JHOOM yr haf hwn yn ystod Mis Treftadaeth De Asia!
Yn dilyn sioe llwyddiannus y llynedd, mae Golygfa/Newid yn ôl. Dyma’r rhaglen gyntaf o’i fath sy’n dathlu gwneuthurwyr theatr yng Nghymru sydd o dras De Asiaidd.
Bydd pedwar awdur o Dde Asia yn cynhyrchu sgript wreiddiol 15 munud yr un; y rhain yw Kia Shah, Priya Hall, Nadheem a Durre Shahwar. Fe’u cefnogir gan bedwar o ddramodwyr gorau Cymru, yn ogystal â mynychu gweithdai gydag Adran Lenyddol y Sherman. Byddwch yn cael cyfle i weld y dramâu newydd cyffrous hyn yn cael eu darllen am y tro cyntaf yn y Sherman, gyda chast a thîm creadigol o’r un gymuned. Bydd rhagor o fanylion am y dramâu a’r tîm yn cael eu rhannu’n nes at yr amser.
Bydd y perfformiad hwn yn cael ei ddehongli i Iaith Arwyddion Prydain (BSL) gan Harjit Jagdev.
Sylwch y bydd ffilmio’n digwydd ar gyfer y digwyddiad hwn, yn y cyntedd ac yn ystod y perfformiad. Siaradwch ag aelod o’r staff os oes gennych unrhyw bryderon.
Mae’r prosiect hwn yn bosibl diolch i gefnogaeth Cyngor Celfyddydau Cymru a Theatr y Sherman.