This pain is something I wanted to hold onto
As it made me who I am
Forged me as I grew
Maybe it’s time I let it go
And started new
Mae Forgiveness of a Monster yn archwiliad cyflawn o’r camgymeriadau mawr ym mywyd Connor, y boen maen nhw wedi’i achosi i’r bobl mae’n eu caru, a gwir ystyr maddeuant.
Dyma ddrama ddwys a thyner sy’n dilyn taith Connor wrth iddo wynebu darnau blêr, hardd ac amherffaith ei fywyd sydd wedi dod at ei gilydd i greu’r dyn ydyw heddiw.
Mae’r darn hunangofiannol, greddfol hwn yn cael ei gymell gan drac sain gwreiddiol a grëwyd gan Oraine Johnson, sy’n caniatáu i ni ymgolli’n llwyr ym meddwl Connor, ac yn ein gadael ni i gyd yn wynebu’r cwestiwn: beth yw maddeuant, a beth yw ei ddiben?
Perfformiadau Hygyrch:
Dehonglwr BSL: Nikki Champagne-Harris
Capsiynau: Erika James
Perfformiadau â Chymorth:
Bydd yr awditoriwm yn aros ar agor ar ôl y perfformiad os hoffech aros yn eich sedd i fyfyrio neu gymryd eiliad i chi’ch hun.
Ar 13 a 16 Mai bydd gweithwyr lles proffesiynol wrth law i roi cymorth i unrhyw un sydd ei angen.
Perfformiad cyn y sioe – Artistiaid sy’n dod i’r amlwg
Nos Fawrth 12 Mai, 6.15pm | Nos Sadwrn 16 Mai, 6.45pm, Yng Nghyntedd y Sherman
Dewch draw yn gynt ar gyfer Forgiveness of a Monster nos Fawrth 12 Mai a nos Sadwrn 16 Mai i fwynhau perfformiadau creadigol rhad ac am ddim cyn y sioe gan artistiaid sy’n dod i’r amlwg.
Wedi’i guradu a’i gyflwyno gan Tia-zakura Camilleri, bydd ein cyntedd yn troi’n llwyfan i’r genhedlaeth nesaf o dalent leol, gyda chymysgedd o waith ar lafar, barddoniaeth a cherddoriaeth fyw.
Dyma’r ffordd berffaith o ddechrau eich noson gyda ni.
Trafodaeth ar ôl y sioe, Llun 18 Mai am 8yh
Ymunwch â Connor Allen mewn sgwrs â’r ysgrifennwr arobryn, Sam Gillard, wrth iddyn nhw drafod gwrywdod a chreu gwaith hunangofiannol. Ar ddiwedd y digwyddiad hwn, sy’n addo rhoi llawer o oleuni i chi, cewch chi’r cyfle i ofyn cwestiynau i Connor a Sam.
