Dyn mewn datblygiad
Mae’n 2015. Mae Jac yn ddyn traws ifanc, wedi’i eni yn y corff anghywir, yn dechrau chwilio am y bywyd mae o wir eisiau ei fyw.
Wrth iddo gychwyn ar y daith o drawsnewid, mae tensiynau’n codi, mae perthnasoedd yn dechrau teimlo’r straen, ac mae’r gefnogaeth sydd wastad wedi bod yn gadarn yn dechrau teimlo’n fregus. Pan gaiff ei wrthod mae’n ei cholli hi ac yn gwthio’i gorff a’i feddwl i’r eithaf.
All Jac ddibynnu ar y rhai agosaf ato pan mae o eu hangen fwyaf?
Wedi ei ’sgwennu a’i berfformio gan Leo Drayton, dyma stori hynod bersonol ac emosiynol am hunan-ddarganfod, dewrder a thrawsnewidiad fydd yn aros yn y cof ymhell ar ôl i’r llenni gau.
Pob perfformiad wedi ei gapsiynu yn y Gymraeg a’r Saesneg.
Yn dilyn y perfformiadau yn Theatr y Sherman, bydd y cynhyrchiad hwn yn teithio i:
Canolfan Arad Goch, Aberystwyth – 7 Hydref 2025
Galeri, Caernarfon – 9 Hydref 2025
Pontio, Bangor – 10 Hydref 2025
Theatr Derek Williams, Y Bala – 11 Hydref 2025
Perfformiadau BSL:
Theatr y Sherman 30 Medi, 3 Hydref
- 30 Medi a 3 Hyd – BSL Cathryn McShane
- 3 Hyd – Pre show Deaf Theatre Club BSL Claire Anderson
Pontio, Bangor 10 Hydref
Gweithgareddau a Digwyddiadau
Drwy stori Jac yn Dynolwaith, rydyn ni’n gweld profiad traws un person, ond rydyn ni’n ymwybodol bod llawer iawn mwy o brofiadau a bod pawb yn wahanol. Bydd rhaglen ategol o weithgareddau a digwyddiadau yn rhannu ystod o brofiadau:
Gofod arddangos yn y cyntedd: yn rhannu ymatebion i’r ddrama o fewn y gymuned a darparu lle i aelodau’r gynulleidfa rannu eu meddyliau a’u hymatebion eu hunain
Stondin lyfrau Paned o Gê: 26 Medi a 4 Hydref
Sut allwn ni rannu’r pwysau? Bydd y drafodaeth banel hon yn dilyn y perfformiad ar nos Wener 3 Hydref. Darperir dehongliad Iaith Arwyddion Prydain gan Cathryn McShane.
Bydd cymorth lles ar gael i gynulleidfaoedd DYNOLWAITH yn Theatr y Sherman ar ôl y perfformiadau canlynol.
Dydd Gwener 26 Medi
Bydd y Stiwdio yn aros ar agor am 30 munud ar ôl y sioe. Bydd yr hyfforddwraig lles Ndidi John ar gael yn yr awditoriwm i ddarparu cymorth i unrhyw un sydd ei angen.
Dydd Mawrth 30 Medi
Bydd y Stiwdio yn aros ar agor am 30 munud ar ôl y sioe. Bydd Chrissie Ciani o Platfform ar gael yn yr awditoriwm i ddarparu cymorth lles i unrhyw un sydd ei angen.
Dydd Sadwrn 4 Hydref
Bydd Chrissie Ciani o Platfform ar gael i ddarparu cymorth lles yng Nghornel y Cyllidwyr. Mae’r cornel wedi’i leoli ar ochr chwith y cyntedd wrth i chi ddod i mewn trwy’r brif fynedfa, lle mae ein cerrig sylfaen a phortread cymunedol o Harry ac Abe Sherman ar ddangos.
Bydd ein hwyluswyr lles yn cynnig lle diogel a chefnogol, boed os hoffech gael sgwrs, cael saib neu eistedd yn dawel. Dydych chi ddim ar eich pen eich hun. – Platfform
