Woof

"WE’RE TWO MEN. NI’N GALLU CREU PERTHYNAS EIN HUNAN.”

Mae Woof ynglŷn â dau ddyn mewn cariad. Dau ddyn sy’n creu eu rheolau eu hunain ar beth mae’n ei olygu i fod mewn perthynas. Ar ôl blwyddyn garlamus gyda’i gilydd, mae pwysau’n adeiladu, gan fygwth chwalu’r cysylltiad rhyngddynt. A fedran nhw greu eu llwybr eu hunain mewn byd sydd yn rhy barod i baratoi’r ffordd honno ar eu cyfer?

Mae Woof yn ddrama newydd eofn wedi’i hysgrifennu gan Elgan Rhys a’i chyfarwyddo gan Gethin Evans, ill dau wedi’u meithrin gan gynlluniau datblygu artistiaid Theatr y Sherman. Bydd y sioe amrwd a grymus hon yn eich gadael yn cwestiynu eich syniad o beth y gall perthynas ‘normal’ fod.