Tylwyth

DRAMA NEWYDD O BWYS GAN DAF JAMES

Mae Aneurin wedi bod yn dianc rhag ei orffennol, ond – mewn tro annisgwyl, diolch i Grindr – mae e wedi syrthio mewn cariad. Pan mae Dan ac yntau’n penderfynu mabwysiadu, mae'r ddau ohonynt ar ben eu digon. Ond wrth addasu i fywyd fel tad, a throi cefn ar orffennol gwyllt, mae ofnau duaf Aneurin yn dychwelyd.

Ddeng mlynedd ers y ddrama glodwiw ac arloesol Llwyth, mae’r cymeriadau yn ôl mewn drama newydd rymus gan Daf James. Gan daflu golwg grafog ar gariad, teulu a chyfeillgarwch, mae Tylwyth yn cynnig sylwebaeth feiddgar a phryfoclyd ar y Gymru gyfoes.

TOCYN TYMOR

Archebwch docyn tymor sy’n cynnwys Tylwyth, An Enemy of the People, Romeo and Julie a The Merthyr Stigmatist am £45 yn unig. Mae hynny’n arbediad o £45 oddi ar y pris llawn. Blwyddyn gyfan o theatre am lai na £50. Rhaid i’r tocynnau i gyd gael eu archebu yr un pryd.

Yn ddibynnol ar argaeledd, bydd hi’n bosib newid eich tocyn ar gyfer perfformiad arall o’r un sioe, dim hwyrach nag wythnos cyn y perfformiad.

Sgwrs i ddysgwyr

12 Mawrth, 6.30yh

Cynhelir sgwrs i ddysgwyr lefel uwch cyn y sioe ar 12 Mawrth.