Josie Long: Tender - Perfformiad Ar-lein

Sylwch mai perfformiad byw ar-lein yw Tender gyda Josie Long, ar gyfer cynulleidfaoedd Theatr y Sherman yn unig. Bydd yn digwydd ar ddydd Iau Ebrill 15 2021 am 8yh.

Os oedd gennych archeb ar gyfer y perfformiad a oedd wedi'i aildrefnu ar Mai 8 2021 byddwn mewn cysylltiad yn fuan i drafod eich opsiynau.

Mae Josie Long, a enwebwyd deirgwaith ar gyfer Gwobr Gomedi Caeredin, yn dychwelyd ar ôl saib byr, gyda sioe a dderbyniodd glod aruchel yn y gorffennol. Yn ystod ei saib, cafodd fabi, a bu’n magu’r plentyn, ac ynghanol pandemig byd-eang mae ganddi hi gryn dipyn o gwestiynau.

Hyd yn oed cyn i 2020 ddigwydd roedd pobl yn dweud fod y byd yn dod i ben, felly sut mae modd dod a phlentyn i fyd sy’n ddryslyd i oedolyn, heb sôn am fabi? Mae'r sioe hon yn ymwneud â’r dwyster anghrediniol o fod yn fam newydd (ynghanol pandemig, a hebddo) - ond yn bennaf am garedigrwydd, addfwynder a llawenydd. Y nod yw eich bod chi’n teimlo'n optimistaidd ar gyfer y dyfodol ar ddiwedd y sioe, ond efallai fod hynny’n gofyn gormod. Oleiaf mae yna leisiau doniol yn y sioe, ac mae hynny’n werth rhywbeth.