Cyfle i gael eich ysbrydoli a gweld pethau gyda gwedd newydd mewn gŵyl o ddramâu byrion gan ein hawduron ieuengaf.
Ers 2018, mae pobl ifanc rhwng 15 a 18 oed wedi archwilio a datblygu eu sgiliau ysgrifennu creadigol trwy ein rhaglen Cyflwyniad i Ysgrifennu Dramâu sydd wedi helpu i feithrin lleisiau ein awduron ieuengaf. Bydd gŵyl UpRoar, a gynhelir yn y Stiwdio, yn dod â pherfformiadau gan gyfranogwyr presennol a blaenorol ynghyd.
Perfformiadau nos Wener: Mehefin 24, Gorffennaf 1 a 8, 7.30yh
Perfformiadau nos Sadwrn gan gynnwys sesiynau gwaith ar waith: Mehefin 25, Gorffennaf 2 a 9, 7.00yh
Bydd UpRoar hefyd yn cynnig llwyfan i leisiau sy’n cael eu tangynrychioli. Bydd pobl ifanc niwroamrywiol, LHDTC+ a phobl sydd wedi’u dadleoli yn cymryd rhan mewn cyfres o weithdai ysgrifennu i ddatblygu dramâu byrion, a hynny dan arweiniad ymarferwyr arbenigol gan gynnwys Katie Elin-Salt, Rheolwr Llenyddol y Sherman Branwen Davies a’r Cydymaith Llenyddol Alice Eklund. Yna bydd y bobl ifanc yn cael cyfle i weld eu darnau byr yn cael eu perfformio mewn cyfres o Sesiynau Gwaith ar Waith.
Dyddiadau y Gweithdai
- Ar ddydd Sadwrn, Mehefin 18fed rydym yn edrych ymlaen at groesawu pobl ifanc o gymunedau ceiswyr lloches a ffoaduriaid. Dysgwch fwy.
- Ar Ddydd Sadwrn, Mehefin 25ain rydym yn edrych ymlaen at groesawu pobl ifanc a fyddai fel arfer yn gweld y math yma o weithgareddau yn heriol. Dysgwch fwy.
- Ar ddydd Sadwrn, Gorffennaf 2il rydym yn edrych ymlaen at groesawu pobl ifanc LHDTC+. Dysgwch fwy.